Сёння адзначаецца Сусветны дзень водна-балотных угоддзяў

Сёння адзначаецца Сусветны дзень водна-балотных угоддзяў

Сусветны дзень водна-балотных угоддзяў адзначаецца штогод 2 лютага з 1997 года ва ўсіх краінах свету.

Сусветны дзень водна-балотных угоддзяў адзначаецца штогод 2 лютага з 1997 года ва ўсіх краінах свету. У 1971 г. менавіта ў гэты дзень у іранскім горадзе Рамсар была падпісана Канвенцыя пра водна-балотныя ўгоддзі, якія маюць міжнароднае значэнне галоўным чынам у якасці месцапражыванняў вадаплаўных птушак (Рамсарская канвенцыя). На сённяшні дзень да Рамсарскай канвенцыі далучылася 168 краін, у тым ліку Рэспубліка Беларусь з 1999 году. У наш час 2252 водна-балотных угоддзяў ва ўсім свеце ўключаны ў Рамсарскі Спіс водна-балотных угоддзяў міжнароднага значэння.

 Ў 2016 году тры беларускія тэрыторыі ўключаны ў Рамсарскі спіс водна-балотных угоддзяў: «Палеская даліна ракі Буг», «Сервеч» і «Вілейты». Зараз міжнародны статут маюць 20 водна-балотных угоддзяў нашай краіны, у тым ліку заказнікі «Альманскія балоты», «Спораўскі», «Сярэдняя Прыпяць», «Званец», «Прастыр», «Котра», «Асвейскі», «Ельня».
 

На тэрыторыі Нацыянальнага парку "Белавежская пушча" водна-балотным угоддзем, абараняемым Рамсарскай канвенцыяй, з'яўляецца Балота Дзікае, якое займае плошчу больш за 23 тысячы гектараў. Яно ўключае ў сябе не толькі адкрытае балота, але і прылеглыя да яго лясныя комплексы як месцы пражывання рэдкіх і знікаючых відаў, у тым ліку абараняемых на нацыянальным і міжнародным узроўнях.

Новости из этой категории