Былы вайсковец 181-ай баявой верталётнай базы (Новыя Засімавічы) расказвае пра вайну ў Афганістане

Былы вайсковец 181-ай баявой верталётнай базы (Новыя Засімавічы) расказвае пра вайну ў Афганістане
Былы вайсковец 181-ай баявой верталётнай базы (Новыя Засімавічы) і іншыя расказваюць пра вайну ў Афганістане, якая пачалася для беларусаў 42 гады таму і скончылася 32 гадоў таму (відэа можна таксама паглядзець перайшоўшы па спасылцы і абраўшы закладку Html 5): 

Афган – гэта апошняя вайна, у якой масава ўдзельнічалі і гінулі беларусы. За што ваявалі нашыя землякі ды ці іх гэта была вайна?

 

У студыі ток-шоу «Кожны з нас» – мацеры, жонкі і дзеці загінулых вайскоўцаў, а таксама салдаты і афіцэры тагачаснага савецкага войска, якіх адправілі ваяваць. Яны расказваюць непрычасаную праўду пра вайну.

«Пасля першай аперацыі маджахеды захапілі нашых параненых. Паздзекаваліся. Паразразалі жываты, паадразалі геніталіі і гэтак далей. І калі целы таварышаў у такім стане прывезлі на аэрадром, то стаўленне да маджахедаў здорава змянілася. Гэта былі непрыемныя пачуцці», – прыгадвае першыя месяцы на вайне генерал-маёр у адстаўцы Валерый Гайдукевіч.

Ён удзельнічаў у вайне з першых дзён і на той момант быў старэйшым лейтэнантам, камандзірам парашутна-дэсантнай роты.

«Калі мы прыехалі ў Баранавічы забіраць цела мужа, нам адказалі: «Вунь нейкая скрыня стаіць, калі патрэбная, забірай». Цынкавая труна стаяла ў полі. Зверху – драўляныя дошкі», – прыгадвае Тамара Доўнар, муж якой, Пётр Доўнар, загінуў у Афганістане.

Вайна ў Афганістане пачалася 42 гады таму, а скончылася 32 гады таму. Паводле афіцыйных лічбаў, праз яе прайшлі каля 29 тысяч беларусаў, загінуў – 771 чалавек, тысячы атрымалі калецтвы.

 

Новости из этой категории