Аляксандр Сахарук з Берасцейшчыны, які ў 1983-м рваўся ў Афганістан:"Я быў на чужой зямлі агрэсарам"

Аляксандр Сахарук з Берасцейшчыны, які ў 1983-м рваўся ў Афганістан:"Я быў на чужой зямлі агрэсарам"

15 лютага 1989 года Савецкі Саюз вывеў сваю армію з Афганістана. Дзе на працягу 10 гадоў пад выглядам дапамогі афганскаму народу савецкая армія фактычна вяла вайну супраць гэтага народу. Гэта была цалкам правальная вайна.

Але ў 1983-м годзе Аляксандр Сахарук з Берасцейшчыны рваўся ў Афганістан. Бо тры месяцы каранціну ў вайсковай частцы Усць-Каменагорска Казахскай ССР былі пеклам. Толькі пазней ён зразумеў, што быў на чужой зямлі агрэсарам, кажа Аляксандр Сахарук:

– Нам жа ўбівалі ў галовы, што амерыканцы збіраюцца там паставіць свае ракеты. І яны закрылі б усю Азію. Таму ўварваліся мы, апярэдзілі пад шыльдай інтэрнацыянальнага доўгу. На тэрыторыі сваёй часткі мы знаходзілі ўлёткі. Я дакладна запомніў фразу: “Воіны агрэсіўнай Чырвонай арміі.” Мы былі агрэсарамі, акупантамі. У той час прэзідэнтам ЗША быў Рональд Рэйган. Ён назваў СССР імперыяй зла. З чым я згаджаюся.

Аляксандр Сахарук узнагароджаны медалём “За адвагу”. Узнагароду не афішуе і пра Афганістан стараецца не ўспамінаць.

Паводле Аляксандра Сахарука, патрэбна было выбачыцца перад афганскім народам. Нельга лезці ў чужы манастыр са сваім статутам. Але ў Масквы не страчаны імперскія інтарэсы да гэтага часу, толькі трансфармаваны. Імперыя зла не дзелася нікуды.

Беларускае Радыё Рацыя

Фота brestspring.com

Новости из этой категории

0 Комментариев