Пра «Вясковы рэнесанс» на прыкладзе вёсцы Стойлы Пружанскага раёна гаварылі на «Мове Нанова»

Пра «Вясковы рэнесанс» на прыкладзе вёсцы Стойлы Пружанскага раёна гаварылі на «Мове Нанова»

Пра «Вясковы рэнесанс» на прыкладзе вёсцы Стойлы Пружанскага раёна гаварылі на берасцейскай «Мове Нанова». Там сям’я Алеся і Ларысы Быцко з Берасця стварылі аграсядзібу „Стулы”, куды запрашаюць турыстаў пазнаёміцца з вясковым жыццём і ягонымі адметнасцямі.

Падрабязней кажа вядоўца курсаў Іна Хоміч:

Важна паказаць, што наша вёска не толькі дэпрэсіўная, як нам часта малюецца. З нейкімі бухарыкамі, без працы, што таксама ёсць канешне, але ёсць і вельмі пазітыўныя прыклады. Калі людзі там нешта робяць, робяць пра вёску для вёскі, і расказваюць пра вёску гарадскім жыхарам. Таму такая тэма і такія госці, і мы рады, што яны да нас завіталі.

Вёска Стойлы вядомая тым, што да 2015 года там жыў усяго адзін жыхар, разбяр Мікола Тарасюк. Ён быў вядомы як у краіне, так і за мяжой сваімі драўлянымі творамі, якіх назбіралася на цэлы музей. Музей той мае назву “Успаміны бацькаўшчыны” і месціцца там жа, у Стойлах.

Кажа Алесь Быцко, гаспадар “Стулаў”:

Пра спадара Тарасюка можна гаварыць суткамі. Перш за ўсё гэта быў вельмі таленавіты чалавек, самародак, шоумен. Калі б яго паказаць на Захадзе ў рэаліці-шоу, гэта была б бомба. Ён сем гадоў жыў адзін у вёсцы, якой няма.

Драўляная спадчына Міколы Тарасюка і памяць пра яго працягваюць жыць. У сядзібе «Стулы», напрыклад, турыстам паказваюць традыцыйны беларускі тэатр батлейку з лялькамі, што зроблены з дрэва.

Мікола Ляшкевіч, Беларускае Радыё Рацыя, Берасце

Новости из этой категории

0 Комментариев