ЕЗ дапаможа шасці беларускім гарадам, у тым ліку і Пружанам, скараціць выкіды вуглякіслага газу.

ЕЗ дапаможа шасці беларускім гарадам, у тым ліку і Пружанам, скараціць выкіды вуглякіслага газу.

Адмыслоўцы з Еўразвязу аказваюць дапамогу гарадам, якія падпісалі еўрапейскую ініцыятыву «Пагадненне мэраў». Пра гэта 18 верасня на прэс-канферэнцыі ў Менску паведаміў намеснік начальніка ўпраўлення рэгулявання ўздзеяння на атмасфернае паветра, змены клімату і экспертызы Міністэрства прыродных рэсурсаў і аховы навакольнага асяроддзя Андрэй Піліпчук.

Баранавічы, Мсціслаў, Пружаны, Слаўгарад, Лёзна і Талачын перамаглі ў конкурсе праекта «Беларусь: падтрымка зялёнага будаўніцтва ў малых і сярэдніх гарадах Беларусі».

– Новыя падпісанты, якія далучыліся да «Пагаднення мэраў», мусяць браць абавязацельствы да 2030 года не толькі па энергетычным сектары, але і па скарачэнні выкідаў парніковых газаў не меньш чым на 30%. Гэта вельмі амбіцыйная мэта.

Паводле Андрэя Піліпчука, на сёння ініцыятыву «Пагадненне мэраў» падпісала больш за 40 беларускіх гарадоў. Лідарам у выкананні палажэнняў ініцыятывы з’яўляецца Полацк, які першы падрыхтаваў справаздачу аб выкананні плана пяцігадовай рэалізацыі мерапрыемстваў, аб скарачэнні выкідаў парніковых газаў, адаптацыі да зменаў клімату.

Сяргей Залескі, Беларускае Радыё Рацыя

Новости из этой категории

0 Комментариев