З'явілася гукавая мапа беларускіх дыялектаў: на ёй можна паслухаць дыялекты з Пружаншчыны.

З'явілася гукавая мапа беларускіх дыялектаў: на ёй можна паслухаць дыялекты з Пружаншчыны.

З'явілася гукавая мапа беларускіх дыялектаў. Гэта калі да пазначанага населенага пункта прымацаваны гукавы файл, які можна паслухаць.

Стваральнікі мапы — жыхары Брэста — журналісты Іна Хоміч і Максім Хлябец, а таксама праграміст Аляксей Жук. Пакуль праект Dialects апублікаваў гаворкі Брэсцкай вобласці. Але яго аўтары прапануюць далучыцца да працы ўсіх беларусаў: запісаць на дыктафон гаворку "сваёй" вёскі ці горада і даслаць запіс на адрас dialectsmap@gmail.com.

"Мы будзем наносіць на мапу гаворкі карэннага насельніцтва ўсіх беларускіх вёсак і гарадоў, а таксама сумежных з Беларуссю тэрыторый, каб паглядзець, як далёка нашыя дыялекты распаўсюджваюцца і чым яны падобныя або, наадварот, адрозніваюцца ад суседскіх", — кажуць стваральнікі праекту.

Спасылка на мапу: https://dialects.natatnik.by/.

 

Крыніца: Еўрарадыё.

Новости из этой категории

0 Комментариев