One Way і Miascovyja - пераможцы "Моладзевай вясны-2012"

One Way і Miascovyja - пераможцы "Моладзевай вясны-2012"
З намінацыі DANCE пачаўся фестываль "Моладзевая вясна - 2012" 12 мая. Выступіла 5 танцавальных гуртоў з Брэста, Бярозы, Белаазёрска, Жабінкі і Калядзічаў.
Каманда One Way здолела заварыжыць сваім нумарам пра дабро і зло з выкарыстаннем вялікага чорнага палатна не толькі залу, але і суддзяў - заслужанае першае месца. Дзяўчаты з Жабінкі (гурт Strates) былі не менш упэўненымі - 2 месца. А хлопцы з Белаазёрскага гурту BJS не здолелі сабраць увесь склад і іх выступ быў узнагароджаны трэцім месцам.

Дзякуй усім удзельнікам намінацыі і выбачэння за словы вядучай пра тое, што большасць прыйшла паглядзець на рокераў - знаходзячыся ў зале давялося пачуць расчаравальныя словы гледачоў, што танцавальная намінацыя скончылася так хутка ды і шоў удзельнікі паказалі класнае!
One Way і Miascovyja - пераможцы "Моладзевай вясны-2012"


Беларускамоўны гурт з Бярозы Miascovyja, нягледзячы на тое, што парушыў правілы фестывалю і выканаў тры замест двух кампазіцый (магчыма яны выканалі трэцюю спецыяльна для той дзяўчыны, што паднялася з залы на сцэну і падаравала фенечку гітарысту гурта), атрымаў кубак фестывалю за першае месца.

Гурт Moulin Rouge прымаў удзел у фестывале другі год запар і 2012 стаў для іх срэбраным.

Жабінкоўскі калектыў Аблада існуе толькі паўгады, але гэта не перашкодзіла ім заняць трэцяе месца на фестывале. Гурт выканаў адну беларускамоўную і адну рускамоўную песню.

One Way і Miascovyja - пераможцы "Моладзевай вясны-2012"


Асобнае дзякуй хэдлайнерам мерапрыемства - брэсцкім гуртам "EMTRICA" і "Цветные карандаши", якія пасапраўднаму ўзрушылі залу.

Выказваем удзячнасць усім удзельнікам - і да новых сустрэч!

Новости из этой категории

1 Комментарий

  • 17.05.2012
    20:10
    Игорь

    А когда будут фото и видео отчёты???